Երբ խոսում է հոգիդ

   Ճիշտ է որոշ դասերից բացակայեցինք, բայց անցկացրեցինք մի հրաշալի մասնագիտական էքսկուրսիա «Magic sand»-ում:

   Ուղեւորությունը իսկապես տպավորիչ էր: Սա մեր առաջին էքսկուրսիան էր հոգեբանության բնագավառում, եւ մեր իմացածը օգտագործելն ու հասկանալը իսկապես պետք էր յուրաքանչյուրիս համար:
    Արտ-թերապիայի մասին որոշ պատկերացումներ ունեինք, սակայն այս ամենը իրական աչքով տեսնելը, որոշ կուրսեր անցնելը եւ անկեղծ մասնագիտական զրույցը ավելի ամրապնդեցին մեր որոշումը դառնալ հոգեբան:
    Մեզանից յուրաքանչյուրը անցավ երեք թերապիա՝ մեծերի ավազաթերապիա, փոքրերի ավազաթերապիա եւ բամբակաթերապիա:

    Թերեւս ամենատպավորիչը բամբակաթերապիան էր: Այն հիմնականում ակտիվ երեխաների համար է:

Ճանաչիր ինքդ քեզ և կճանաչես ողջ աշխարհը (Անի Գասպարյան)

Երբևիցէ մտածե՞լ եք ինքներդ ձեր մասին, փորձե՞լ եք հասկանալ, թե ինչպիսի՞ բնավորություն ունեք: Փորձե՞լ եք գտնել ձեր լավ և վատ կողմերը: Փորձե՞լ եք կշռադատել ձեր արարքները՝ նախքան դրանք իրագործելը եւ իրագործելուց հետո:

«Ճանաչիր ինքդ քեզ» արտահայտություն, որն իր մեջ ընդգրկում է փիլիսոփայական մի ամբողջ աշխարհ, մտածելու տեղիք է տալիս, ինքդ քեզ ճանաչելու և ինքնագնահատականի ձևավորման հնարավորություն ընձեռում: Այս արտահայտությունը կարող է փոխել շատերի տեսակետը աշխարհընկալման վերաբերյալ, ինչպես օրինակ այն փոխեց անտիկ փիլիսոփա Սոկրատեսի կյանքը: Նա հասկացավ, որ աշխարհը ուսումնասիրելու եւ հասկանալու համար նախ մարդ պետք է ճանաչի ինքն իրեն՝ իր էությունը, բնավորությունը:

Ճանաչիր ինքդ քեզ (Կարինե Գևորգյան)

Ըստ ավանդության Սոկրատեսը երիտասարդ տարիքում այցելել է Դելֆոս, որտեղ նրան հուզել է Դելֆյան տաճարին փորագրված «Ճանաչիր ինքդ քեզ» մակագրությունը։ Սոկրատեսը դա ընդունել է որպես մարդու էության, բնության, նրա կյանքի իմաստի ու նպատակի ճանաչողության կոչ, որպես փիլիսոփայական խորհրդածությունների ելակետ։

Երբ մեր փիլիսոփայության ուսուցիչը հանձնարարեց մեզ գրել շարադրություն <<Ճանաչիր ինքդ քեզ>> թեմայով ես սկսեցի մտածել արդյո՞ք մենք ճանաչում ենք ինքներս մեզ: Ոչ: