Դատավարություն: Հետազոտություն

Հոգեբանի ակումբը պատվեր էր ստացել հետազոտել Մխիթար Սեբաստացի կրթահամալիրի սովորողների կարծիքն ու վերաբերմունքը ուսումնական ճամբարների վերաբերյալ: Մենք, որպես սոցիոլոգիական հետազոտության մեթոդ, կազմեցինք ֆոկուս խմբեր: Հետազոտության օբյեկտն էր սովորողների վերաբերմունքը տվյալ հարցի վերաբերյալ: Հետազոտությունը անցկացրեցինք կրթահամալիրի բոլոր մասնաճյուղերում՝ չորս կրտսեր, երեք ավագ և միջին դպրոցներում: Հետազոտությանը մասնակցել են հիսուներկու սովորող, որոնք ներառված են եղել վեցից ութ հոգանոց խմբերում: Հետազոտութայնը մասնակցել են նաև սովորողներ, ովքեր դեռ չեն հասցրել մասնակցել ուսումնական ճամբարներին:

Հետազոտության արդյունքում պարզ դարձավ, որ կրտսեր դպրոցներում, 4-րդ դասարանից սկսած նոր միայն  կարողանում են հստակ տարբերակել ուսումնական ճամբարի ժամանակահատվածը և գործունեությունը:

Կրտսեր դպրոց- Այստեղ սովորողները մեծ մասամբ ճամբարի վերաբերվում են որպես պարտականություն և հաճախում են սիրով: 4-րդ, 5-րդ դասարանցիները, ովքեր մասնակցել են հարցմանը, հանդես են եկել երգացանկի և պարերի որոշակի փոփոխություններով:

Միջին դպրոց- Այստեղ ևս մեծամասնությունը հաճույքով էր մասնակցում ճամբարներին: Հիմնականում նախորդ օրը տեղեկանում են հաջորդ օրվա գործունեության մասին, և գալիս են պատրաստված, իրականցնում են տարբեր ծրագրեր, նախագծեր: Այստեղ հիմնական առաջարկն էր ծրագրերի կազմումը հանձնել սովորողներին, և ունենալ մրցույթային օրեր: Կար առաջարկ նաև ստեղծել ուսումնական ակումբներ, տարբեր ուղղվածություններով, որտեղ իրենց ցանկությամբ կներգրավեին սովորողները:

Ավագ դպրոց- Առաջին առաջարկը ճամբարների կամավոր լինելն էր, այսինքն սովորողը ունենար հնարավորություն ընտրելու մասնակցել, թե ոչ, ըստ նախապես հրապարակված ծրագրի: Այստեղ ևս կային առաջարկներ, որպեսզի ճամբարային գործունեության մշակումը վստահվի սովորողներին: Ավագ դպրոցի սովորողների առաջարկը հետևյալն էր, որ ուսումնական ճամբարները լինեն ավելի ներգրավող՝ կազմակերպել ծրագրային մրցույթ Դիջիթեքում կամ այլ մրցույթներում որոշակի խրախուսող մրցանակով, հետևյալ անվանակարգով «ուսումնական գործունեության ծրագիր»:

Եզրահանգում

Մեծամասամբ սովորողների մասնակցությունը ճամբարներին հաճույքով է և ընդհանրացված առաջարկը ճամբարների կամավորության սկզբունքն է: