Հոգեբանի ակումբ ․ ․ ․ : Հոգեբանների այցը "Նոր դպրոց"-Հեքիթաթերապիա

вторник, 21 января 2014 г.

Հոգեբանների այցը "Նոր դպրոց"-Հեքիթաթերապիա

Հունվարի 16 ին, հոգեբանի ակումբն անցկացրեց բավականին արտասովոր, բայց միեւնույն ժամանակ հաճելի եւ օգտակար դաս:
Ուրիշ բան է սովորելը, ուրիշ բան՝ իմանալը: Մի ամբողջ նյութ հեքիաթաթերապիայի մասին ուսումնասիրելուց, սովորելուց եւ հրատարակելուց հետո, ոչ մեկս չէր պատկերացնի, որ հեքիաթաթերապիան կարող ենք կիրառել գործնականում: Բայց «Մխիթար Սեբաստացի» կրթահամալիրում ամեն ինչ էլ իրագործելի է:
Դասն անցկացրեցինք «Նոր դպրոցի» հինգ տարեկանների հետ: Նրանք ուրախ եւ գրկաբաց ողջունեցին մեզ: Մենք էլ սկսեցինք իրենց հետ շփվել: Ապա ամեն մեկս, մի երեխայի հետ սկսեցինք հորինել հեքիաթ:

Իսկ ակումբի ղեկավարը՝ ընկ. Հայկուշը սկսեց աշխատել մնացած երեխաների հետ: Կուզենայի փաստել, որ բոլորն այնքան էներգիայով լեցուն եւ կենսուրախ էին, որ իրենց խինդ ու ծիծաղով վարակեցին մեզ: Դե, քանի որ, սա մեր առաջին քայլն էր հոգեբանության անծայրածիր եւ հետաքրքրաշարժ բնագավառ, ապա, բնականաբար, մեր հեքաթաթերապիան լի էր թերություններով եւ բացթողումներով: Բայց ինչեւէ, մենք, ի վերջո, հորինված հեքիաթների շնորհիվ կարողացանք հասնել մեր նպատակին, եւ թերապիայի ավարտից հետո պարզ դարձավ, որ մեր ստացած ինֆորմացիան հիմնականում համապատասխանում էր իրականությանը:
Հուսով եմ, որ այսպիսի նախաձեռնությունները շարունակական կլինեն մեր ակումբում, եւ մենք դեռ կշարունակենք օգտագործել եւ կատարելագործել մեր հմտությունները: (Հեղինակ` Անի Գասպարյան)