Ճամբարային տրամադրություն

   Արդեն երեք օր է, ինչ սկսել է ամառային ուրախ ճամբարը… Այնքան ուրախ պահեր ենք ունեցել ակումբի երեխաների հետ, որ մեկ տարվա մեր ակումբային գործունեության ժամանակ անցկացրած մեր ամբողջ ուրախությունն գումարած չի հասնի սրան: Այնքա՜ն ենք մտերմացել, կարծես իրար ճանաչում ենք անհոգ մանկությունից, այլ ոչ թե անհասկանալի, ու չենք վախենա ասել, խելառ պատանեկությունից: Բնապահպանական ժամեր…Մարզական առավոտյան ընդհանուր պարապմունքներ ու մարզական ժամեր… Պարային չստացված դաս(բայց ոչինչ վաղը պատրաստված կգանք)… Ու հետաքրքիր ասուլիսներ, ֆիլմի դիտումներ, քննարկումներ, բացօթյա պոեզիայի ժամեր…

Հոգեթերապևտիկ միջոցներ(բաց դաս երկրորդ)

Էգոիզմ: Բաց դաս առաջին

Մայիսյան 9-րդ հավաքի շրջանակներում «Հոգեբանի ակումբը» իրականացնում է բաց դասեր.

1.      Էգոիզմ

2.      Հոգեթերապևտիկ միջոցներ, երաժշտաթերապիա, Տիբեթյան զանգեր

Կայացավ առաջին բաց դասը, որը ինչպես արդեն նշվեց վերևում, նվիրված էր էգոիզմին: Մեր ակումբի դասին մասնակցում էին ոչ միայն ավագ դպրոցի սովորողները, այլև հյուրեր ունեինք 9-րդ դասարանի մեր սովորող-ընկերներից:
  Դասի նպատակն էր հասկանալ՝ ինչ է էգոիզմը, ինչպես են մտածում դրա մասին երիտասարդությունը, արդյոք իրենց համարում են էգոիստ, և այդ հետազոտությունը համեմատել Զիգմունդ Ֆրեյդի տեսության հետ:
   Սկզբում ծանոթացանք, հասկացանք, թե մեր հյուրերը ինչ են մտածում այդ թեմայի շուրջ, ապա ցուցադրեցինք մեր պատրաստած նյութերը, ներկայացրեցինք Ֆրեյդի տեսությունը ու այդ ամենը հասկանալուց հետո սկսեցինք քննարկել այս թեման: Քննարկումը իսկապես բուռն էր: Տարաձայնությունների արդյունքում մեր քննարկումը ինչ-որ տեղ վերածվեց վեճի, բայց դա շարունակական բնույթ չկրեց:
   Դասն այնքանով էր արդյունավետ, որ այս թեմայի մասին մեր կատարած հետազոտությունները կարողացանք բացատրել նաև մեր ոչ ակումբային ընկերներին, լսեցինք մեր հյուրերի տարբեր կարծիքներ, ի դեպ ոմանց դիտարկումները այնքան հետաքրքրիր էին և արտասովոր, որ դրանցից նոր եզրահանգումներ էինք իրականացնում, գտնում էինք նոր եզրեր:
   Մեր հետազոտությանը կարող եք ծանոթանալ այստեղ, իսկ մեզ մնում է միայն ասել կհանդիպենք հաջորդ բաց դասին: Հետաքրքրիր է լինելու…

Բաց դաս առաջին՝ էգոիզմ

Նյութը կարող եք դիտել  Կարինե Գևորգյանի բլոգում

Բաց պարապունք

Բաց պարապմունքներ հոգեբանի ակումբում

Ծրագիր

Մայիսի 13`

Էգոիզմ

«Էգո» - ի դրսևորումներն ու հետևանքները, հետազոտական աշխատանքի ներկայացում։

Մայիսի 15՝

Թերապիաներ

Թերապևտիկ միջոցների ներկայացում, կիրառում։

Երաժշտաթերապիա

 Տիբեթյան զանգերի ներգործությունը՝ ունկնդրում և քննարկում։

Յոգան և մենք

 Յոգայի մասին շատ անգամներ ենք խոսել, վերջապես մեր ակումբի մի ժամը նվիրվեց ուսումնասիրելուն յոգան: Այդ նպատակը հետապնդելով՝ եղանք Հայաստանի Յոգայի ֆեդերացիայում, և ուսումնասիրեցինք յոգան այնտեղի մասնագետների հետ:
   Նախ հասկացանք՝ յոգան ինչ փուլեր ունի, և ինչ նպատակ է հետապնդում: Մեդիտացիան, որը նույնպես քննարկվել էր ակումբի դասերի ժամանակ, յոգայի վերջին փուլն է, երբ կենտրոնանում ես և ճամփորդում ես ինքդ քո մեջ, փորձում ես ինքդ հասկանալ տրամադրությանդ, սթրեսիդ կամ դեպրեսիայիդ պատճառը: Այդ պահին դու ես՝ ֆիզիկապես և հոգիդ:

Պարային-շարժողական թերապիա

Պարային թերապիա:

    Պարային թերապիան արտթերապիայի տեսակներից մեկն է, որն օգտագործվում է բուժման, շտկման և զարգացման նպատակներով: Պարային թերապիան հոգեթերապիայի

միջոց է, որտեղ մարմինը հանդիսանում է գործիք, իսկ շարժումները օգնում են վերապրել, գիտակցել և արտահայտել զգացմունքներն ու կոնֆլիկտները: Ըստ պարային թերապիայի մարմինն ու հոգեկանը փոխկապակցված են: Այն մարդը, ով դիմում է պարային թերապիայի, պարտադիր չէ, որ ունենա շարժողական եւ պարային փորձ: Այստեղ շեշտը դրվում է նրա վրա, թե ինչպես է մարդը զգում իր մարմինն ու շարժումները, այլ ոչ թե նրա վրա, թե ինչքանով է նա տիրապետում պարային տեխնիկային եւ ինչպես է դիտվում պարի ժամանակ:
   Պարը, միմիկան, ժեստը ինչպես նաև երաժշտությունը համարվում են զգացմունքների արտահայտման հնագույն միջոցներից: Դեռ վաղ շրջանում պարը հանդիսանում էր զգացմունքների արտահայտման լավագույն միջոց, որոնք խոսքով արտահայտելը շատ դժվար էր: Պարն ինքնադրսևորման ուժեղ միջոց է: