Բաց պարապունք

Բաց պարապմունքներ հոգեբանի ակումբում

Ծրագիր

Մայիսի 13`

Էգոիզմ

«Էգո» - ի դրսևորումներն ու հետևանքները, հետազոտական աշխատանքի ներկայացում։

Մայիսի 15՝

Թերապիաներ

Թերապևտիկ միջոցների ներկայացում, կիրառում։

Երաժշտաթերապիա

 Տիբեթյան զանգերի ներգործությունը՝ ունկնդրում և քննարկում։

Յոգան և մենք

 Յոգայի մասին շատ անգամներ ենք խոսել, վերջապես մեր ակումբի մի ժամը նվիրվեց ուսումնասիրելուն յոգան: Այդ նպատակը հետապնդելով՝ եղանք Հայաստանի Յոգայի ֆեդերացիայում, և ուսումնասիրեցինք յոգան այնտեղի մասնագետների հետ:
   Նախ հասկացանք՝ յոգան ինչ փուլեր ունի, և ինչ նպատակ է հետապնդում: Մեդիտացիան, որը նույնպես քննարկվել էր ակումբի դասերի ժամանակ, յոգայի վերջին փուլն է, երբ կենտրոնանում ես և ճամփորդում ես ինքդ քո մեջ, փորձում ես ինքդ հասկանալ տրամադրությանդ, սթրեսիդ կամ դեպրեսիայիդ պատճառը: Այդ պահին դու ես՝ ֆիզիկապես և հոգիդ:

Պարային-շարժողական թերապիա

Պարային թերապիա:

    Պարային թերապիան արտթերապիայի տեսակներից մեկն է, որն օգտագործվում է բուժման, շտկման և զարգացման նպատակներով: Պարային թերապիան հոգեթերապիայի

միջոց է, որտեղ մարմինը հանդիսանում է գործիք, իսկ շարժումները օգնում են վերապրել, գիտակցել և արտահայտել զգացմունքներն ու կոնֆլիկտները: Ըստ պարային թերապիայի մարմինն ու հոգեկանը փոխկապակցված են: Այն մարդը, ով դիմում է պարային թերապիայի, պարտադիր չէ, որ ունենա շարժողական եւ պարային փորձ: Այստեղ շեշտը դրվում է նրա վրա, թե ինչպես է մարդը զգում իր մարմինն ու շարժումները, այլ ոչ թե նրա վրա, թե ինչքանով է նա տիրապետում պարային տեխնիկային եւ ինչպես է դիտվում պարի ժամանակ:
   Պարը, միմիկան, ժեստը ինչպես նաև երաժշտությունը համարվում են զգացմունքների արտահայտման հնագույն միջոցներից: Դեռ վաղ շրջանում պարը հանդիսանում էր զգացմունքների արտահայտման լավագույն միջոց, որոնք խոսքով արտահայտելը շատ դժվար էր: Պարն ինքնադրսևորման ուժեղ միջոց է:

Սովորում ենք այբուբենը Աննա Օհանյանի հետ

   Ժեստեր թեման ուսումնասիրելու շրջանակներում մեր ակումբի մի դասաժամի հյուրը դարձավ լոգոպեդ Աննա Օհանյանը: Ամբողջ 45 րոպեն նվիրվեց խուլ ու համրների ձեռքերի այբուբենը սովորելուն:
   Եվ այսպես մատնախոսությունը շատ կարեւոր է, քանզի այն օգնում է մեզ արտահայտել ժեստերի միջոցով այնպիսի բառեր, որոնց համար անհեթեթ կլիներ հորինել հատուկ ժեստեր: Դրանց վառ օրինակ են հատուկ անունները: Մատնախոսությունը տառանշանների համակարգ է, որտեղ ամեն մի տառ ունի իր դիրքը եւ ձեւը: Մի քանի տառեր, օրինակ ր-ն եւ ռ-ն, տարբերվում են նրանով, որ ր-ն անշարժ է, իսկ ռ տառի ժամանակ թափահարում ենք ձեռքը: Այս մատների դիրքերը լրիվ կամ մասնակիորեն կապվում են տառի գրելաձեւին:  Մատնախոսում ենք աջ ձեռքով եւ պահում ենք ձեռքը կրծքավանդակի առաջ, ուսից մի քիչ ներքեւ:  Աշխարհում ստեղծվել է մատնախոսության 43 այբուբեն, որոնք օգտագործվում են 59 երկրներում: Առաջին անգամ այն ստեղծվել է 1620 թվականին Իսպանիայում, իսկ հայկական տարբերակը ստեղծվել է 1960-ին:

Ժեստեր

Ժեստերը վերջերս լայնորեն տարածված թեմա են քննարկման համար: Որոշ հեղինակների կարծիքով, ժեստերի գաղտնիքները իմանալը Ձեզ կօգնի դառնալ միլիոնատեր կամ սկսել երջանիկ կյանք:
   Բայց իրո՞ք այդքան հզոր է ժեստերի լեզուն: Եւ ի՞նչ է տալիս հաղորդակցման այդ տեսակը մարդկանց:
   Նախ եւ առաջ, եկեք փաստեմ, որ ժեստերի հաղորդակցման հարցը առաջ է քաշվել վաղուց: 1872թ.-ին Չարլզ Դարվինը հրատարակեց «Մարդկանց եւ կենդանիների էմոցիաների արտահայտումը» գիրքը, որտեղ եւ կարծիք արտահայտեց ժեստերի եւ միմիկայի միջոցով շփման կարեւորության մասին: Հետագայում այդ հարցով զբաղվեցին շատ կենսաբաններ, վարքային հոգեբաններ, իսկ հիմա ամենահեղինակավոր եւ ամենահայտնի փորձագետը այդ բնագավառում համարվում է Ալլան Պիզը՝ առեւտրի գործակալ, ով ժեստերի հանդեպ իր հետաքրքրության շնորհիվ դարձավ աշխարհի ամենահայտնի հոգեբաններից մեկը:

Քննարկման ժամանակ պահելաձևի կանոնները

Հմուտ հոգեբան դառնալու համար պետք է ճիշտ խոսել իմանալ: Հոգեբանները առաջարկում են խմբային քննարկման էթիկայի կանոնները`

    

       1.      Կարողանալ լսել

                          2.      Հարգել դիմացինի կարծիք

3.      Հարգել անձը

         4.      Չմասնավորեցնել

Պաշտպանական ռեակցիան հոգեբանության մեջ

Հեղինակ՝ Կարինե Գևորգյան
Հոգեբանության մեջ հաճախ հանդիպում են պաշտպանությանը վերաբերող եզրեր՝ պաշտպանական մեխանիզմ, պաշտպանական հակազդում (ռեակցիա), պաշտպանական մարտավարություն, նեվրոտիկ պաշպանություն և պաշտպանողականություն իբրև անձի հատկանիշ։ Հոգեբանության մեջ գոյություն ունեն մի քանի հիմնական հետազոտություններ պաշտպանական մեխանիզմների վերաբերյալ, որոնց մենք կանդրադառնանք։

Զիգմունդ Ֆրեյդը և նրա հետևորդները համարում էին, որ տարբեր պաշտպանական մեխանիզմների հիմնական հատկանիշներն են․ ա)դրանք անգիտակցական են, այսինքն մարդ չի գիտակցում ո՛չ պատճառները և մոտիվները, ո՛չ նպատակները, ո՛չ էլ իր պաշտպանական վարքագծի փաստն ինչ որ մի օբյեկտի կամ իրադարձության վերաբերյալ, բ) պաշտպանական մեխանիզմները միշտ խեղում են և փոխարինում են իրականությունը։